Ծրագրեր

Միջոցառումներ

«Պատանի  ստեղծագործողներ»  ցերեկույթ

     Տեղի ունեցավ  «Պատանի  ստեղծագործողներ »  ցերեկույթը , որի ընթացքում Արտաշատի ավագ  դպրոցի տնօրինությունը, խրախուսեով երիտասարդ ստեղծագործողների  աշխատանքները, հրատարակեց  նրանց ստեղծագործությունների ժողովածուները:   Ցերեկույթի ընթացքում նրանք  ներկայացրին իրենց ստեղծագործությունները.

  • 11-րդ դասարանի աշակերտուհի Մ. Վարդանյանը՝ « Արևը խամրեց, բայց….» վիպակը,
  • 10-րդ դասարանի աշակերտուհի Մարգարիտա Գուլաբյանը՝«Լռության ձայն»        բանաստեղծությունների ժողովածուն,
  • 9-րդ դասարանի աշակերտուհի Կատարինա Խաչատրյանը ՝ «Լեռները միշտ կանգուն են» բանաստեղծությունների ժողովածուն:

   Դպրոցի  մյուս  շնորհալիներն  էլ  ցերեկույթը գեղեցկացրին իրենց երգերով ու պարերով: Տարբեր դասարանների ապագա դերասաններն էլ բեմադրեցին «Արևը խամրեց, բայց….»  վիպակից  մի դրվագ:

     Գրիքի մեկ օրինակը ի պահ տրվեց դպրոցի գրադարանին:    

 


 

Այվազովսկին երեխաների աչքերով

      «Մեր մեծերը» ծրագրի մեկնարկը Արտաշատի ավագ դպրոցում տրվեց հայ անվանի ծովանկարիչ Հ.Այվազովսկուն      նվիրված միջոցառմամաբ, որը տեղի ունեցավ փետրվարի 24-ին:

      Աշակերտները ներկայացրեցին անվանի ծովանկարչի կյանքը և գործունեությունը: Ուշագրավ էր «Հ.Այվազովսկու նկարները երեխաների աչքերով» խորագիրը կրող նկարների ցուցահանդեսը:

       Միջոցառմանը մասնակցում էին դպրոցի VIII-XII դասարանների աշակերտները :

       Ներկայացված լավագույն աշխատանքների և ակտիվ մասնակացության համար աշակերտները պարգրատրվեցին պատվոգրերով:

 


Գիրք նվիրելու օր

 Արդեն ավանդույթ է դարձել գիրք նվիրելու օրը յուրօրինակ ձևով նշել դպրոցում: Արտաշատի ավագ դպրոցի գրադանավարուհի Մարգարիտա Զաքարյանը,սոցիալական մանկավարժ Արմնինե Ազատյանը և ինֆորմատիկայի ուսուցչուհի Ելենա Բադալյանը կազմակերպել էին ցերեկույթ՝ այդ օրվան նվիրված: Ցերեկույթին աշակերտները ներկայացրին տոնի իմաստը, գրքի նշանակությունը մեր ժողովրդի կյանքում, ժամանակակաից և ավանդական ընթերցանության ձևերը: Ցերեկույթի վերջում աշակերտներն ու ուսուցիչները միմյանց գրքեր նվիրեցին: